PATRICK Aussems, Kocha Mkuu wa Simba amesema kuwa kupoteza kwao msimu uliopita pointi sita mbele ya Kagera Sugar kumeipa hasira timu yake ya kupambana kutafuta matokeo chanya kwenye mchezo wao unaofuata.
Simba haikuwa na bahati mbele ya Kagera Sugar msimu uliopita na ilipigwa nje ndani na timu hiyo jambo lililofanya rekodi hiyo kumtesa Mbelgiji huyo mpaka leo kwa kuacha jumla ya pointi sita.
Kuelekea kwenye mchezo huo utakaopigwa kesho uwanja wa Kaitaba, Aussems amesema kuwa: "Yaliyotokea msimu uliopita ni hamasa kwa wachezaji kufanya vizuri kwenye mchezo ujao na nimeshawaambia inabidi tuwaonyeshe kwamba sisi ni Simba.
" Tunaenda na malengo ya kuhakikisha tunashinda na tunawaheshimu wapinzani wetu kwani ni timu nzuri nao wanahitaji matokeo kama ambavyo nasi tunahitaji," amesmema.
Kesho tunakula miwa kiulaini sana.Kila la kheyr Mnyama
ReplyDelete