MOTO WA KIATU CHA DHAHABU EPL SI WA KITOTO,

Vita ya kuwania kiatu cha dhahabu kwa msimu wa 2019/20 ndani ya Premier League utakuwa si wa kitoto kutokana na mafahari waliopeta msimu uliopita kuanza cheche zao.

Msimu uliopita wa mwaka 2018/19 wachezaji watatu walisepa na tuzo hiyo baada ya kutupia jumla ya mabao 22.

Pierre Aubameyang wa Arsenal na Mohamed Salah pamoja na mshikaji wake Sadio Mane wote wa Liverpool.

Mshambuliaji mwingine aliyekuwa anawakimbiza taratibu alikuwa ni Sergio Arguero wa Manchester City ambaye alipachika jumla ya mabao 21.

Jamie Vardy yeye alitupia mabao 18 huku Raheem Sterling wa Manchester City alitupia jumla ya mabao 17.

Kwa sasa Arguero ndiye baba lao akiwa ametupia mabao 8 huku Salah yeye akiwa amecheka na nyavu mara nne sawa na Mane huku Auba akiwa amecheka na nyavu mara sita.