NAMUNGO YATUMA UJUMBE HUU KWA SINGIDA UNITED

HITIMANA Thiery, Kocha Mkuu wa Namungo amesema kuwa kikosi chake kimejipanga kupata pointi tatu mbele ya Singida United mchezo utakaochezwa Jumamosi uwanja wa Majaliwa.

Namungo yenye maskani yake Lindi kete yake ya kwanza ilishinda mbele ya Ndanda FC kwa mabao 2-1 itamenyana na Singida United ambayo ilipoteza mbele ya Mwadui FC.

Thiery amesema kuwa: "Ushindani ni mkubwa na kila timu inahitaji ushindi kama ambavyo nasi tunahitaji kufanya vizuri kwenye ligi.

"Wachezaji wana morali kubwa na nina imani tutafanya vema kwani tulianza vizuri ukizingatia kwamba tutakuwa nyumbani," amesema.