SERIKALI YAIPA RUNGU AZAM FC KUWAMALIZA WAZIMBABWE JUMLA KESHO

AZAM FC kwa sasa ipo nchini Zimbabwe kwa ajili ya maandalizi ya mwisho ya mchezo wao wa kimataifa wa Kombe la Shirikisho dhidi ya Triangel United na Serikali ya Tanzania kupitia ubalozi wake nchini humo umeipa sapoti.

Kaimu Balozi wa Tanzania nchini Zimbabwe, Brigedia Jenerali, Abdallah Mohamed Alphonce ambaye aliipokea timu ya Azam almesema kuwa ana imani na kikosi hicho kinaweza kupindua meza kibabe.

“Nitumie fursa hii kuwakaribisha Zimbabwe na nina amini kwamba kwa namna nilivyoona maadalizi ya kikosi kuna uhakika mkubwa wa kupata matokeo kwenye mchezo wa marudio,” amesema.

Ofisa Habari wa Azam FC, Jaffary Maganga amesema kuwa maandalizi ya mwisho yapo vizuri na wana imani ya kupata matokeo chanya.

Ili Azam FC isonge mbele kwenye mchezo unaotarajiwa kuchezwa Septemba 28 uwanja wa Barbourfields ni lazima ishinde mabao zaidi ya mawili baada ya kufungwa bao 1-0 mchezo wa kwanza Bongo.