STARS: TUPO TAYARI KUIVAA SUDAN KESHO HATUNA MASHAKA

MLINDA mlango wa timu ya Taifa ya Tanzania, Juma Kaseja amesema kuwa morali ya wachezaji kuelekea mchezo wa kesho dhidi ya Sudan upo juu.

Stars itamenyana na Sudan kesho, uwanja wa Taifa mchezo wa kuwania kufuzu hatua ya michuano ya Chan ambayo inawahusisha wachezaji wanaocheza ligi ya ndani itakayofanyika mwaka 2020, Cameroon.

Akizungumza na Saleh Jembe, Kaseja amesema kuwa wamejipanga kufanya kweli kwenye mchezo huo kutokana na ukubwa wa mashindano.

"Tunatambua kwamba Taifa linatuamini na tumepewa kibarua kizito cha kufanya hatuna kitu kingine cha kufanya zaidi ya kutafuta ushindi.


"Ushindi wetu ni wa Taifa kiujumla nasi tunatambua kwamba kila mmoja anahitaji matokeo chanya tupo tayari na maandalizi yapo sawa," amesema.