STARS YAPIGWA 1-0 NA SUDAN KWA MKAPA KUWANIA KUFUZU CHAN

Taifa Stars imekubali kichapo cha bao 1-0 kutoka kwa Sudan katika mchezo wa kuwania michuano ya CHAN.

Bao pekee la Sudani limewekwa kimiani na Yassir Mozamili mnamo dakika ya 61 ya kipindi cha pili.

Licha ya kuongoza kwa bao moja bila, Sudan walikuwa wanaonekana kuonesha jitihada za kufunga bao la pili lakini mipango yao haikufanikiwa.

Sudan inayonolewa na Kocha wa zamani wa Simba, Zdravko Logarušić, imefanikiwa kupata ushindi kwa mara ya kwanza dhidi ya Tanzania tangu apewe mikoba ya kuingoza.

Kwa sasa Stars itabidi ishinde mabao 2-0 katika mechi ya ugenini ambayo watachezea kwa wenyeji Sudan.