TANZANIA PRISONS YAIBANIA SIMBA UHURU, MECHI YAMALIZIKA BILA MABAO

Kikosi cha Simba kimeshindwa kutamba mbele ya Tanzania Prisons leo kunako Uwanja wa Uhuru, Dar es Salaam baada ya kulazimishwa suluhu ya kutofungana.

Suluhu hiyo imewafanya Simba kugawana alama moja moja na Prisons ambao mpaka sasa hawajapoteza mchezo wowote kwenye ligi.

Alama hiyo moja imewafanya Simba kuendelea kukaa kileleni wakiwa na alama 22 huku wakiwa wamepoteza mchezo mmoja mpaka sasa.

Prisons mpaka sasa imecheza jumla ya mechi 11 na wakienda sare michezo saba huku wakishinda nne na wakiwa na alama 19 kwenye nafasi ya pili ya msimamo wa ligi.