YANGA WAPIGWA MKWARA MWINGINE MZITO NA WAPINZANI WAO BONGO

UONGOZI wa Ndanda umesema kuwa kwa sasa tayari gari imewaka baada ya kuifunga mabao 2-0 Ruvu Shooting, watapambana kupata pointi tatu mbele ya Yanga kwenye mchezo wao utakaochezwa Ijumaa uwanja wa Nangwanda Sijaona.

Ndanda itaikaribisha Yanga, Oktoba  8 ikiwa na joto la kupigwa chini kwenye michuano ya Kimataifa jambo ambalo linaongeza uzito wa mchezo huo utakaokuwa wa tano kwa Yanga msimu huu.

Akizungumza na Championi Jumatano, Ofisa Habari wa Ndanda FC, Idrisa Bandari alisema kuwa morali ya kikosi ipo juu na kikubwa ambacho wanakihitaji ni pointi tatu bila kujali wanacheza na nani.

“Tunatambua kwamba mchezo wetu ujao utakuwa dhidi ya Yanga tumejipanga kuona namna gani tutabeba pointi tatu ili kuwa sehemu nzuri kwenye ligi kwani ligi imekuwa na ushindani mkubwa,” alisema Bandari.

Ndanda FC imecheza jumla ya mechi 8 imejikusanyia pointi saba zinazoifanya iwe nafasi ya 19  huku wapinzani wao Yanga wana pointi saba nafasi ya 18 imecheza mechi nne pekee.