KILIMANJARO STARS IJITATHIMINI MICHUANO YA CECAFA, MASHABIKI KUPANGA KIKOSI AACHIWE KOCHA

TIMU yetu ya Taifa ya Tanzania Bara, Kilimanjaro Stars ipo nchini Uganda ambapo inaendelea kupeperusha bendera kwenye michuano ya Afrika Mashariki na Kati (Cecafa).

Tumeona ilianza kwa kichapo mbele ya Kenya kwa kuchwapwa bao 1-0 kwenye mchezo wa ufunguzi ikiwa ni fundisho na somo kwa wachezaji ambao wanawakilisha taifa letu ambalo linazidi kutafuta mafanikio ya soka hasa kwa wakati huu ambao soka linazidi kukua.

Kila mmoja anapenda kuona timu inashinda jambo ambalo kila mmoja anapenda kuanzia benchi la ufundi mpaka wachezaji hesabu zao ni kushinda.

Kupoteza mchezo wa kwanza haikuwa na maana kwamba hawana uwezo na hawafai hali hii hutokea kwa mashabiki pale ambapo timu inaboronga  hii ni mbaya kwa mashabiki kununa.

Bado kuna muda wa kujipanga na kuweza kuonyesha kwamba tunaweza kuwa na nguvu kwa ukanda wa Afrika Mashariki kwani safari moja huanzisha nyingine.

Tukumbuke kwamba kwa sasa tayari Kilimanjaro imetinga hatua ya nusu Fainali ya michuano hiyo licha ya kuanza kwa kusuasua kwani haikumaanisha kwamba hesabu  zimewagomea Kilimanjaro kufanya vizuri.

Ushindi wa bao 1-0 mbele ya Zanzibar uliwarudidha kwenye chati kwani waliweza kumudu kuulinda ushindi wao na ndugu zao ambao walilazimisha sare ya kufungana bao 1-1 na Sudan.

Mpira hauna matokeo ambayo watu wanayatarajia ila ni yale ambayo yanapatikana ndani ya uwanja kushindwa, kushinda na kutoa sare ndio maana ya mpira wenyewe.

Hakuna haja ya kuzungumza sana kuhusu matokeo yao mabovu ila tunapaswa tuangalie namna gani timu itakuwa inapata matokeo chanya kwenye mechi zinazofuata kwa kuwa hatuwezi kubadili matokeo ambayo yameshatokea uwanjani.

Bado timu itabaki kuwa yetu watanzania hata tukiwasema haiwezi kubadili maana zaidi ya kuwashusha morali yao tukubali kwamba wachezaji wanajituma matokeo yatakuja.

Suala la sapoti ni kitu cha msingi kwa timu yetu ambayo inafanya kazi kwa ajili ya taifa kiujumla na kuachana na maneno ambayo hayaleti matokeo chanya kwa timu yetu.

Pia kumekuwa na malalamiko kuhusu kikosi ambacho kinapangwa hasa kwenye mechi ya kwanza ambapo wengi wanalaumu kwa nini Aishi Manula alicheza hana uwezo wanadai wao, sio sawa.

Wengine wanauliza kuhusu Juma Kaseja kuachwa Bongo wakidai kwamba ni makusudi ama nafasi yake ilibidi ibaki mkononi mwake wasisahau kwamba ile ni timu ya taifa sio timu ya mtu mmoja kwa sasa.

Benchi la ufundi lina matakwa yao ambayo wanaamini yakitendewa kazi yataleta manufaa suala la kumchagua nani awe ndani ya kikosi liachwe chini ya benchi la ufundi.

Kila mmoja akiwa kocha basi itakuwa mvurugano kwenye soka letu la ndani ambalo bado halijafikia hatua ambayo kila mmoja anafikiria liweze kufika nina imani kukiwa na subira matunda yake tutayaona.

Tujivunie vya kwetu tuwape sapoti muda wote bila kuchoka na bila kujali aina ya matokeo yanayotokea hawa ni vijana na wanawakilisha taifa letu pendwa tusisahau hilo katka vichwa vyetu.

Maisha ya soka yanaendelea kila siku na ushindani unakua kila iitwapo leo kutokana na kukua kwa teknolojia na wale ambao wanapenda soka.

Tusisahau kwamba michuano ina ushindani mkubwa na kila mmoja anahitaji ushindi. Imani yangu ni kwamba timu yetu ina kila sababu za kuongeza juhudi na kuonyesha ubora wao katika mechi ambazo zimebaki.

Naona timu itakuja kutengamaa na kufanya mambo makubwa ambayo bado mashabiki hamjafikiria kuyaona kwa kuwa mmeanza kukata tamaa mapema.

Kila mmoja asisahau kwamba kushindwa kwa Kilimanjaro haimaanishi watashindwa siku zote mwanzo unachangamoto zake na kwa kuwa wameanza kupata hasira watakuwa katika hali bora mechi zinazofuata.

Kwa sasa michuano inaendelea tusiwavunje moyo vijana hawa tuwafariji na tusisahau kuwaombea dua wafanye vema mwisho ili waushangaze ulimwengu.

Hawa wachezaji wetu ndio ambao wanacheza kila siku tukianza kuwabeza mapema tutawapotezea nguvu yao ya kutafuta mafaniko ambayo ipo kwenye vichwa vyao.

Kila mmoja awe na mapezi ya kweli ndani ya moyo wake jambo ambalo litawafanya wajihisi wana deni kubwa mara mbili zaidi ya walilonalo kwa sasa.

Kwa sasa mambo bado kwa kuwa kazi inaendelea kwa wale wenye uwezo mkubwa wasisahau kufika nchini Uganda kuipa sapoti timu na kuwapa moyo vijana bila kuchoka.

Bado kuna kazi ya kufanya kwa ajili ya kulikuza soka letu kwani wahenga walisema mwanzo ni mgumu na kuwa mashindano yanaendelea vijana wasituagushe wafanye kweli kwenye mechi zao zilizobaki.

 Kila mchezaji awe na uchungu na taifa lake na apambane kuona kwamba anapata matokeo chanya licha ya kwamba wameanza mchezo wa kwanza kwa kuboronga.

 Hatua ambayo wamefika kwa sasa si lelemama ukizingatia kwamba mpaka sasa kwenye mechi tatu wamefunga bao moja pekee huku wakifungwa bao moja pia.

Hili ni tatizo kwani inaonyesha kuwa ulinzi wapo sawa ila ushambuliaji ndio kuna tatizo kubwa jambo linalofanya washindwe kumalizia mipango inayopangwa na timu.