YANGA YAIACHIA GUNDU HILI ALLINCE, YAYEYUSHA POINTI TISA DK 270

ALLIANCE FC iliyo chini ya Felix Minziro kwa sasa inasumbuka na msala walioachiwa na washambuliaji wa Yanga ambao ni David Molinga na Patrick Sibomana baada ya kuitungua mabao 2-0 Uwanja wa Taifa, Februari 29.

Baada ya kichapo hicho Alliance imecheza mechi tatu ambazo ni sawa na dakika 270  bila kuambulia bao zaidi ya kufungwa mabao matatu na kupoteza pointi tisa.

 Machi 3, Alliance ilipoteza mchezo wake uliochezwa Uwanja wa Mabatini, kwa kufungwa na  Ruvu Shooting bao 1-0. Machi 7, ilichapwa bao 1-0 mbele ya Azam 1-0 na Machi 11 ilichapwa bao 1-0 mbele ya Tanzania Prisons.

Leo itakuwa na kibarua kingine mbele ya KMC iliyo nafasi ya 16 ikiwa na pointi 30 huku Alliance ikiwa nafasi ya 18 na pointi 29 zote zimecheza mechi 28.