MTIBWA SUGAR NI KAZI JUU YA KAZI

UONGOZI wa Mtibwa Sugar umekuwa utapambana kumalizia mechi zao tisa zilizobaki kwa kutumia mbinu kali zitakazowapa matokeo chanya.

Akizungumza na Saleh Jembe, Ofisa Habari wa Mtibwa Sugar, Thobiasa Kifaru amesema kuwa anatambua kuwa ligi itakaporejea kila timu itakuwa inakamia kupata matokeo jambo ambalo wameshalitambua mapema.

“Ukishamtambua adui hawezi kukusumbua, tumeshafahamu mbinu za wapinzani wetu ni kutukamia ili waweze kutugeuza daraja la kuwabakisha ndani ya ligi hilo wasahau tumeshapanga mbinu zetu za kazi, haitakuwa rahisi kutuangusha.

“Tupo vizuri na wachezaji tayari wameanza mazoezi ya kujiweka sawa ili ligi itakapaoanza mwanzo mwisho wanatoa burudani huku wakionyesha kazi ya kweli, mashabiki watupe sapoti,” amesema Kifaru.

Mtibwa Sugar ipo nafasi ya 14 ikiwa imecheza mechi 29 kibindoni ina pointi 33.