SIMBA: TUMEJIPANGA KUPATA USHINDI MBELE YA YANGA

 

SELEMAN Matola, Kocha Msaidizi wa Simba amesema kuwa mchezo wa leo, Uwanja wa Mkapa dhidi ya Yanga wamejipanga kuhakikisha wanapata matokeo mazuri.

Matola amesema kuwa Kariakoo Dabi huwa inakuwa na presha kubwa ila watacheza mchezo wa burudani na kumiliki mpira ili kupata matokeo.

"Ili kupata matokeo ni lazima ushinde hivyo muhimu kuona kupata matokeo hii ipo wazi na haitakuwa kazi rahisi, tupo tayari na tunahitaji pointi tatu muhimu.

"Mechi zilizopita ni tofauti na hizo zinazokuja, makosa ambayo tuliyafanya nyuma tumeyafanyia na mwalimu pia ana mbinu mpya hivyo licha presha iliyopo tunaamini tutafanya vizuri," amesema. 

Simba ipo nafasi ya kwanza ina pointi 61 baada ya kucheza mechi 25 na imefunga jumla ya mabao 58 inakutana na Yanga iliyo nafasi ya pili ikiwa  na pointi 57 baada ya kucheza mechi 27.

Mchezo wao wa mzunguko wa kwanza ubao ulisoma Yanga 1-1, Uwanja wa Mkapa.