Chelsea imeituliza Man United kwa kuichapa bao 1-0 katika
mechi ya robo fainali ya Kombe la FA iliyochezwa kwenye Uwanja wa Stamford
Bridge jijini London, leo.
Bao la Chelsea lilipatikana katika dakika ya 49, mfungaji
akiwa Mwafrika, Demba Ba ambaye aliunganisha pasi ya juu juu ya Juan Mata. Katika nusu fainali hiyo, Chelsea itawavaa jirani wa Man United, Manchester City.
Kwa ushindi huo, maana yake Chelsea imesonga hadi nusu
fainali ya kombe la FA huku ikiondoa matumaini ya Man United kuendelea kuwemo
katika kuwania kombe hilo lenye heshima nchini England.
Mechi ya kwanza iliyopigwa mjini Manchester, timu hizo
zilimaliza dakika 90 kwa sare ya mabao 2-2, hivyo kila upande ulitaka ushindi
lakini wageni Chelsea walionekana kuwa bora zaidi leo.
Chelsea walipoteza nafasi nyingi zaidi za kufunga kupitia
Mata, Oscar, Ba na Hazzard wakati Man United walipata nafasi chache kupitia
Chicharito na van Persie lakini hawakuzitumia au ziliokolewa.
0 COMMENTS:
Post a Comment