MAKALA: HAWA HAPA NDIYO WAFALME WA PENALTI

van Persie

Mwandishi Wetu

NAJUA makala hii inaweza kuzusha ubishi mkubwa hapo ulipo kama utakuwa na wenzako ambao ni wadau wa soka pia, wapo wanaodai kuwa kufunga bao kwa penalti ni bahati, lakini wengine wanaamini uwezo wa kupiga penalti nao unachangia.

Kuna wachezaji wengi wenye uwezo wa kupiga penalti duniani, wafuatao wanatajwa na wengi kuwa uwezo wao ni mkubwa zaidi ya wengine;

Robin Van Persie

Staa wa Man United ana uwezo mkubwa kwa kutumia mguu wa kushoto kupiga penalti, yeye na Wayne Rooney ndiyo wenye jukumu hilo klabuni hapo.

Graham Alexander

Beki wa pembeni ambaye hakuwa na jina kubwa, baadhi ya timu alizopita ni Burnley na Preston North End zote za England.

 

Balotelli

Mario Balotelli

Anaonekana kama ‘chizi’ lakini akisimama mbele ya 18 anajua wapi pa kupiga, kwa sasa anaichezea AC Milan.

Baines

Leighton Baines

Beki wa kushoto wa Everton ambaye pindi anapopiga penalti kwa mguu wake wa kushoto ni vigumu kukosa.

 

Cruff..

Johan Cruyff

Alikuwa kocha mwenye mbinu nyingi lakini enzi zake za uchezaji pia alikuwa mbunifu wa penalti. Jina lake litaendelea kukumbukwa daima kutokana na mchango wake katika soka.

Gerd Muller

Ataendelea kukumbukwa siku zote nchini Ujerumani kutokana na uwezo wake wa kufunga, Muller aliweza kufunga penalti nyingi katika maisha yake ya soka.

Ronaldinho

Enzi zake alikuwa mwepesi na mjanjamjanja awapo na mpira.

Gary McAllister

Alicheza klabu nyingi lakini akiwa Liverpool alipata heshima kwa kuwa alikuwa na uzoefu zaidi. Aliwahi kukosa penalti muhimu katika michuano ya Ulaya 1996 alipokuwa akiichezea Scotland dhidi ya England.

Eric Cantona

Aliyekuwa kijana mtukutu lakini mbele ya lango hakuwa na utani kabisa, alifunga penalti nyingi pia.

Andrea Pirlo

Mashabiki walioshuhudia michuano ya Euro 2012 wanajua ‘muziki’ wake, alipiga penalti akiwa kwenye kikosi cha Italia kilipocheza dhidi ya England, ambapo alikuwa kama anapiga shuti kisha akapiga taratibu huku akimuacha kipa Joe Hart ‘akipotea vibaya’.

 

Ballack

Michael Ballack

Kiungo wa Ujerumani ambaye alikuwa akicheza soka la nguvu, alikuwa na uwezo mzuri wa kupiga penalti, jukumu alilofanya akiwa klabuni na timu ya taifa.

 

Platini

Michel Platini

Rais wa sasa wa Uefa ambaye alisaidia Ufaransa kutwaa ubingwa wa Euro 1984, alikuwa na mbinu kali kila alipokwenda kupiga penalti.

Steven Gerrard

Nahodha mkongwe wa Liverpool ambaye wapo wanaomuita kwa jina la utani la Mr Liverpool, ana uzoefu wa kupiga penalti na amekuwa akipiga vizuri licha ya kuwa amewahi kukosa mara kadhaa.

 

Pirlo

Alessandro Del Piero

Aliifungua Juventus na timu ya taifa ya Italia mara nyingi.

Cristiano Ronaldo

Amefunga mabao mengi kwa njia ya penalti, siyo mtaalam sana ila ni nadra kukosa, amefanya vizuri akiwa Man United, Real Madrid na timu ya taifa ya Ureno.

Frank Lampard

Kiungo mkongwe wa Chelsea ambaye jukumu la kupiga penalti anapewa yeye.

Zinedine Zidane

Kitendo cha kumpiga kichwa Marco Materazzi mwaka 2010 kinakumbukwa zaidi, lakini wanaomfuatilia wanajua alivyokuwa bora kwenye penalti.

Alan Shearer

Nguli wa Newcastle ambaye alikuwa na uwezo mkubwa wa penalti.

Matthew Le Tissier

Hajulikani kwa kiwango cha juu, aliwahi kukosa penalti moja tu kati ya 43 alizopiga katika maisha yake ya soka la kulipwa. Tissier, 44, aliichezea Southampton kuanzia mwaka 1985 mpaka 2002 na kufunga mabao zaidi ya 161. Bahati mbaya ni kuwa aliichezea timu ya taifa mechi nane tu.