 |
| Mashabiki Simba... |
Na Saleh
Ally
MECHI ya
kesho kati ya Simba dhidi ya Yanga imebadilika ghafla, gumzo lake limepanda kwa
kasi katika kipindi cha siku tatu sasa.
Awali
ilionekana kama itakuwa kama mechi lahisi, lakini ushindi wa mwisho wa zaidi ya
mechi nne wa Simba, kidogo umefanya mambo yabadilike na inaonekana Yanga
wameamka na kuona haitakuwa kazi lahisi, hiyo ndiyo imeongeza joto hilo.
 |
| Mashabiki Yanga.. |
Kocha Mkuu
wa Yanga, Ernie Brandts amekuwa akitoa onyo mara kadhaa kwa wachezaji wake,
kwamba Simba si timu dhaifu, hivyo lazima wajue kazi ni ngumu.
Kuna mambo
mengi lakini uwanjani hakika ufundi utatoa majibu mengi sana, makocha wa timu
zote mbili na wachezaji watakuwa na kazi ya kufikisha kinachotakiwa kwa ajili
ya kufanikisha wanacholenga.
Kwa takwimu
inaonekana karibu kila kitu Yanga iko juu, unaweza kuangalia mfano ule wa
fainali ya Ligi ya Mabingwa Ulaya, Bayern Munich inaonekana iko juu kitakwimu
kuliko Borussia Dortmund. Lakini hilo haliwezi
kuwa jibu la mechi kwamba mshindi ni fulani.
Kawaida
soka, lazima watu waingie uwanjani na baada ya hapo majibu yatapatikana baada
ya hesabu za kutosha kupigwa, tena hadharani bila ya kificho.
Wafungaji:
Yanga
inaonyesha ina safu kali ya ushambuliaji, katika mechi 25 imefunga mabao 45
huku ikiwa na washambuliaji wake wawili walio juu katika orodha ya wafungaji
bora.
Kipre
Tchetche wa Azam FC ndiye kinara akiwa na mabao 17, anafuatiwa na Didier
Kavumbagu wa Yanga mwenye mabao tisa kama Paul Nonga wa Oljoro na nafasi
inayofuatia ni Jerry Tegete wa Yanga mwenye mabao nane.
Simba haina
mshambuliaji mwenye makali zaidi, hata katika listi ya wafungaji bora hakuna,
kiungo wake mkongwe, Amri Kiemba ‘Baba Shabani’ ana mabao saba na ndiye kinara
Msimbazi.
Ulinzi:
Bado Yanga
inaonyesha imefanya ulinzi mkali zaidi kuliko Simba katika mechi 25
walizocheza. Jangwani wameruhusu mabao 14 tu na kuwa timu yenye ngome ngumu
zaidi inayoongoza na Kelvin Yondani na Nadir Haroub ‘Cannavaro’. Simba
imeruhusu mabao 23 ambayo ni karibu mara mbili ya Yanga.
Viungo:
Kila upande
uko sawa, Yanga wana Haruna Niyonzima na Athumani Idd ‘Chuji’, lakini Mrisho
Ngassa ndiye anayeongoza kwa kutoa pasi nyingi za mabao. Inaelezwa amepiga 10
ambazo hazijafikiwa na yoyote.
Lakini
Kiemba anaonekana ndiye kiungo hatari zaidi katika Ligi Kuu Bara, kwani pamoja
na kufunga mabao mengi kuliko kiungo mwingine yoyote, ndiye ameonakana mwenye
uwezo mkubwa wa kumiliki mpira na kuchezesha timu.
Muhimu hapa
kwa Simba inaonekana ni timu yenye viungo bora kwa misimu mitatu mfululizo na
mara nyingi wafungaji bora wake huwa ni viungo kama ilivyokuwa kwa Emmanuel
Okwi na marehemu Patrick Mutesa Mafisango.
Hatari:
Inaweza
kuwa hatari kwa Yanga kama watajisahau na kuwadharau makinda wa Simba, ni
wachezaji wasiokuwa na majina lakini wenye uwezo mkubwa sana. Kupambana na
usiyejua uwezo wake pia inahitaji umakini maradufu kuliko unayejua anacheza
vipi.
Makocha:
Brandts
itakuwa mechi yake ya pili, wakati anaanza kazi kwa mara ya kwanza alikutana na
Simba na kupata sare ya bao 1-1, Kiemba akiwa ametangulia kufunga na Said
Bahanuzi akasawazisha kwa mkwaju wa penalti.
Mholanzi
huyo anaweza kuwa ameona kazi ya mechi hiyo ya watani na joto lake liko vipi.
Mfaransa Patrick Liewig hapaswi kufanya mzaha hata mdogo, mechi hiyo ni kubwa
na hilo halikwepeki.
Lazima ajue
kuna utofauti na ushindi muhimu, hivyo lazima umakini uongezeke maradufu lakini
hesabu za kutambua Yanga imeimarika ndiyo maana imechukua ubingwa mapema, hivyo
wanakutana na kikosi bora kwenye ligi, lakini hakuna kizuizi kwamba wakiwa
makini na kukamilisha kiufasaha mipango kama wanayo madhubuti, basi watashinda.
Makosa&nafasi:
Dali
zinaonyesha kama kawaida, kabla ya kuanza kwa mecho hiyo, matokeo ni bao 0-0.
Matokeo hayo yanaweza kubadilishwa kwa vitu viwili tu, upande mmoja kufanya
makosa na mwingine kuyatua kwa faida.
Lakini
inawezekana kabisa, kila upande ukafanya makosa halafu kila upande ukashindwa
kuyatumia, basi mwisho matokeo yatakua yaleyale waliyoanza nayo ya 0-0.
SOURCE: CHAMPIONI
0 COMMENTS:
Post a Comment