KOCHA YANGA KUREJEA KWAO UHOLANZI, KAMBI YAVUNJWA RASMI

Kocha wa Yanga, Ernie Brandts anatarajia kurejea kwao Uholanzi kwa muda.

Brandts atarejea Uholanzi, taarifa hizo zimepatikana siku moja tu baada ya Yanga kutangaza kujitoa katika michuano ya Kombe la Kagame.

Yanga imetangaza kujitoa katika michuano ya Kagame iliyopangwa kufanyika nchini Sudan kwa sababu za kiusalama.

“Kweli kocha atarudi nyumbani kwa kuwa hakuna kitu cha kufanya kwa kipindi hiki na tayari wachezaji wamepumzishwa kwa wiki mbili sasa.

“Awali ilikuwa ni kwa ajili ya maandalizi ya Kombe la Kagame, lakini tumejitoa kama ulivyosikia na hakuna sababu ya kocha kuendelea kuwa hapa kwa sasa.

“Atasafiri na baada ya kurejea ataanza maandalizi kwa ajili ya ligi na kambi tutaiweka rasmi,” kilieleza chanzo ndani ya Yanga.

Brandts alikuwa mapumzikoni Uholanzi na Hispania kabla ya kurejea nchini tayari kwa kazi na alishaanza maandalizi kabla ya Yanga kujitoa kwa sababu za kiusalama.