SIMBA YA KIBADENI KUIVAA GOLDEN BUSH YA MADARAKA SELEMANI

Kikosi cha timu ya Simba, kesho kitashuka uwanjani kwa mara ya pili kucheza mchezo wa kirafiki wa kujipima nguvu dhidi ya Golden Bush.

Huo utakuwa mchezo wa pili kwa Simba inayonolewa na kocha mkongwe Abdallah Kibadeni ambapo awali kikosi hicho kilicheza mchezo wake wa kwanza wa kujipima nguvu dhidi ya Friend Rangers ya Manzese, mchezo ambao ulichezwa katika Uwanja wa Kinesi uliopo Ubingo jijini Dar  ukimalizika kwa sare tasa.

Akizungumza jijini Dar, Kibadeni maarufu kwa jina la King amesema mchezo huo utakaopigwa katika uwanja wa Kinesi dhidi ya vijana hao wa Golden Bush inayonolewa na nyota wa zamani wa Simba Madaraka SelemanI itakuwa ni mechi nzuri ya kukipima kikosi chake ambacho kipo katika mazoeziu makali kwa muda wa wiki mbili sasa.

“Kwasasa nataka kwanza kucheza michezo na timu ndogondogo kwanza ili niweze kuangalia jinsi vijana wangiu wanavyoelewa yale ninayowafundisha.

“Nafikiri kitakuwa kipimo kizuri kwao na baada ya hapo nitajua nini cha kufanya ili tuendelee kuijenga Simba imara,” alisema Kibadeni ambaye ni nyota wa zamani wa kikosi hicho.