MKUU WA MKOA WA DAR AMBANDIKA JINA JIPYA KALOU

Mkuu wa Mkoa wa Dar es Salaam, Said Mecky Sadicky ametoa mpya leo alipombandika jina jipya mshamnbuliaji wa Ivory Coast.

Sadicky alikuwa akizungumzia mchezo wa kesho kati ya Taifa Stars dhidi ya Ivory Coast kuwania kucheza Kombe la Dunia na kusema wachezaji wa Stars hawapaswi kuwa waoga na kuhofia majina makubwa ya wageni wao.

Alisema huku akiyataja moja ya majina hayo kuwa ni Kalalu akimaanisha Kalou, kwamba hawana haja ya kuwahofia hata kidogo.

Kutokana na Sadicky kukosea hayo majina, waandishi na wengine waliokuwa katika eneo hilo waliangua kicheko na kumrekebisha kiongozi huyo.

Hata hivyo, mkuu huyo wa mkoa aliwashauri Stars kupambana bila ya woga kidogo na kusema hata kama ni ustaa, wachezaji wa Stars nao ni mastaa pia hivyo wapambane na kuwamaliza vilivyo Ivory Coast.