MNIGERIA WA YANGA KUIKOSA URA KESHO

Ile kiu ya Wanayanga kumuona mshambuliaji wao, Brendan Ogbu akiichezea timu hiyo kesho sasa haitakatwa.

Kiu hiyo haitakatwa kwa kuwa hatacheza katika mechi ya kirafiki dhidi ya URA ya Uganda kwenye Uwanja wa Taifa jijini Dar es Salaam.

Ogbu ameumia enka, hali inayomfanya asicheze mechi hiyo na kuwanyima raha Wanayanga waliotaka kumuona.

Awali ilitangazwa kuwa Mnigeria huyo atacheza mechi ya kesho, hivyo mashabiki wengi walitaka kumuona akiwa kazini.

Iwapo hatacheza kesho maana yake atalazimika kusubiri hadi mechi nyingine ya kirafiki ambayo Yanga watacheza.