VAN PERSIE AONYESHA UJUZI KWENYE TABLE TENNIS, AMCHAKAZA RIO FERDNAND

 

Mshambuliaji wa Man United, Robin van Persie ameonyesha si mkali wa kupachika mabao pekee, badala yake hata katika mpira wa meza maarufu kama table tennis au ping pong.

Van Persie alifanikiwa kuonyesha ujuzi baada ya kumshinda beki kisiki wa United, Rio Ferdinand.

Wawili hao walicheza mchezo huo wakati wakiwa kambini nchini Australia ambako Manchester United iko katika ziara ya kujiandaa na msimu mpya.

Katika mchezo huo, van Persie aliibuka na ushindi wa pointi 11-9 dhidi ya Rio ambaye alianza kwa kasi lakini akapozwa taratibu.