VIUNGO YANGA, COASTAL UNION WAFIWA NA BABA MZAZI

NIZAR (KUSHOTO) AKIWA MAZOEZINI YANGA NA NADIR HAROUB...

Kiungo nyota wa Yanga, Nizar Khalfan amepata msiba baada ya kufiwa na baba yake mzazi.

Marehemu pia ni baba wa kiungo wa Coastal Union, Razack Khalfan ambaye pia aliwahi kuichezea Yanga.

Khalfan Khalfan amefariki dunia leo jioni katika Hospitali ya Muhimbili jijini Dar es Salaam, alikokuwa amelazwa.

Nizar amethibitisha msiba huyo wa baba yake mzazi na kusema huenda mazishi yatakuwa Jumatatu.

“Sasa tunaendelea na kujadili kuhusiana na mipango ya mazishi lakini kwa taarifa za awali mazishi yanaweza kuwa Jumatatu saa 10 jioni,” alisema Nizar ambaye pia aliwahi kucheza soka la kulipwa katika nchi za Kuwait, Canada na Marekani.