KIBADENI AKIRI KAZI YA WANAJESHI NI NGUMU, ASEMA WAMEJIPANGA

KIKOSI CHA SIMBA

Kocha Mkuu wa Simba, Abdallah Kibadeni amesema kupambana na timu za jeshi si kazi lahisi.

Lakini akasisitiza kikosi chake kimejiandaa kwa ajili ya mechi ya leo ya Ligi Kuu ya Vodacom dhidi ya Ruvu JKT kwenye Uwanja wa Taifa, Dar.

“Wanajeshi wanakuwa na maandalizi ya kutosha kwa kweli, mnapokutana nao lazima muwe mmejiandaa vizuri.

“Sisi tumefanya vizuri na tuko tayari, lakini tunajua hautakuwa mchezo lahisi,” alisema.

Katika mechi ya jana kwenye uwanja huo, watani wake Yanga walifanikiwa kushinda bao 1-0 dhidi ya Ruvu Shooting.

Lakini ilihenyeshwa vilivyo na wanajeshi hao walionekana kuwa fiti zaidi.