BARTHEZ, CANNAVARO WATUPWA JUKWAANI YANGA IKIIVAA RHINO

Kipa Ally Mustappha ‘Barthez’, beki Nadir Haroub ‘Cannavaro’ wameachwa wakae jukwaani katika mechi ya leo dhidi ya Rhino kwenye Uwanja wa Taifa jijini Dar.

Habari za uhakika kutoka ndani ya Yanga zinaeleza wawili hao watakaa jukwaani, wakati Athumani Iddi ‘Chuji’ na Didier Kavumbagu watakuwa benchi.

“Kweli tokea jana wanajua na kocha ameamua kufanya hivyo, hatujajua sababu hasa nini nini lakini Kavumbagu alikuwa amjeruhi ingawa ameishapona,” kilieleza chanzo.

Kocha Mkuu wa Yanga, Ernie Brandts alikataa kuzungumzia suala hilo na kusema linaihusu timu yake na huu si wakati mwafaka kulizungumzia.