MFARANSA WA SIMBA AREJEA DAR KIMYAKIMYA, ATAKA FEDHA ZAKE, ATAKA KUZIONA SIMBA VS YANGA

Kocha wa zamani wa Simba, Patrick Liewig ametua nchini na kusema amekuja kuangalia mechi ya watani Jumapili, pamoja na kudai fedha zake.

Liewig amesema hakumaliziwa fedha yake na Simba ambao alikuwa anawadai zaidi ya dola 20,000, hivyo atajitahidi kuwafikia ili wamalizane.

“Pamoja na hivyo nataka kuangalia mechi na kuwaona vijana wangu, nataka kuwaona wachezaji niliowafundisha.

“Mfano Marcel (Kaheza), Chanongo, Ndemla na wengine. Nasikia raha kwa kuwa ndiyo nilianza kuwapa nafasi,” alisema Liewig ambaye tayari yuko jijini Dar es Salaam.

Kocha huyo aliifundisha Simba kwa nusu msimu tu baada ya kuichukua kutoka mikononi mwa Mserbia, Milovan Cirkovic.

Wakati wa Liewig, Simba ilianza kutumia vijana zaidi hali iliyosababisha baadhi ya wachezaji nyota kama Haruna Moshi ‘Boban’ na Juma Nyosso kuachwa.