REKODI YA SIMBA VS YANGA, MABAO SITA YAFUNGWA KWENYE GOLI MOJA

Goli la Kaskazini kwenye Uwanja wa Taifa jijini Dar es Salaam limeingia kwenye rekodi ya aina yake baada ya mechi ya watani Simba na Yanga kwisha kwa sare ya mabao 3-3.

GOLI LILILORUHUSU MABAO SITA YA LEO

Mabao yote sita ya mchezo huo kwenye Uwanja wa Taifa jijini Dar, leo, yamefungwa kwenye goli hilo.

Yanga ndiyo walitangulia kufunga mabao yao matatu kupitia kwa Mrisho Ngassa na Hamis Kiiza katika kipindi cha kwanza.

Mabingwa hao watetezi wakaenda mapumziko wakiongoza kwa mabao 3-0.

Kipindi cha pili, Yanga nao wakahamia katika lango hilo na Simba wakafunga matatu kupitia Betram Mwombeki, Joseph Owino na Gilbert Kaze na kuweka rekodi mpya.

Kwanza ni timu moja kusawazisha mabao yote matatu na pili, lango moja kufungwa mabao sita katika mechi ya watani.

Lango hilohilo ndilo liliruhusu mabao matatu kutinga wavuni wakati Simba ilipoifunga Yanga kwa mabao 5-0.