SIMBA, YANGA KUWEKA REKODI YA MAPATO, TIKETI ZOTE ZIMEUZWA KWA SIKU MOJA

Kama hakutakuwa na usamjo na wizi wa kupindukia, mechi ya

kesho ya Ligi Kuu ya Vodacom kati ya Simba na Yanga, huenda ikaweka rekodi ya mapato katika mechi yao ya leo.

Uwanja wa Taifa utakaotumika leo una uwezo wa kubeba takribani watu 60,000 tu na si zaidi.

Taarifa zilizoifikia blogu hii zinaeleza hadi kufikia jana jioni, tiketi zote za mechi zilikuwa zimemalizika. Maana yake zimeuzwa kwa siku moja tu tena si zaidi ya saa 12.

Watu walianza kuzitafuta tiketi mapema na vituo vingi vilikuwa vimefungwa, lakini baadaye zilianza kuuzwa.

Hadi kufikia saa 11, tiketi za Sh 5000 zilikuwa zimepotea kabisa na taarifa zikaelezwa kuwa zimeisha.

Baada ya hapo, watu walianza kununua tiketi za karibu kila bei kutokana na kuhofia kukosa kabisa.

Baadhi ya viongozi wa Yanga na Simba wamethibitisha kupata taarifa kwamba tiketi zimeuzwa zote.

Hii inashiria mambo mawili, kwanza rekodi ya mauzo, lakini ulinzi lazima uwe imara kwa kuwa kama watu wataingizwa kwa ujanja, kuna hofu ya uwanja kuzidiwa na watazamani, kitu ambacho ni hatari.