Baada ya kupitia wakati mgumu hivi
karibuni kutoka kwa mashabiki wa Yanga, beki wa timu hiyo, Nadir Haroub
‘Cannavaro’, juzi Jumamosi aligeuka mfalme wa klabu hiyo na mashabiki kibao
wakajipanga foleni kwa lengo la kupiga naye picha.
Cannavaro alipewa hadhi hiyo na
mashabiki wa Yanga baada ya kuonyesha uwezo mkubwa uwanjani ikiwa ni pamoja na kuifungia
timu hiyo bao pekee na la ushindi katika mechi ya kimataifa ya michuano ya
Klabu Bingwa Afrika dhidi ya Al Ahly ya Misri.
Baada ya mechi hiyo iliyochezwa Uwanja
wa Taifa, Dar, juzi, mashabiki wa Yanga walikusanyika nje ya uwanja huku
wakimsubiri Cannavaro atoke katika vyumba vya kubadilishia nguo ili waweze kumpongeza
kutokana na kazi yake kubwa ya kupambana na washambuliaji wa Al Ahly
aliyoifanya uwanjani.
Mara baada ya kutoka katika chumba hicho
akienda kupanda basi la timu hiyo, mashabiki hao wa Yanga walimzonga huku wikiimba
nyimbo mbalimbali za kumsifia na wengine wikitaka kupiga naye picha.
Cannavaro
alisema, anawaheshimu mashabiki hao na wala hana
chuki nao kwani wakati ule walipokuwa wakimzomea walikuwa wakitimiza wajibu wao
wa kumtaka abadilike na kurejea katika
kiwango chake kama ilivyokuwa hapo zamani.
“Kwa sasa nawaomba tushikamane muda wote
ili kuhakikisha tunaenda kufanya vizuri katika mechi yetu ya marudiano,
yaliopita yamepita, tugange yajao,” alsema Cannavaro na kudai kuwa mechi hiyo
imemwongezea heshima na rekodi kubwa katika maisha yake ya soka.
Awali, Cannavaro alikuwa akizomewa na
mashabiki wa Yanga, baada ya kuonyesha kiwango kibovu katika mzunguko wa kwanza
wa Ligi Kuu Bara.
0 COMMENTS:
Post a Comment