 |
| RHINO |
Pamoja na kutofanya vyema katika mechi zake za ligi kuu,
timu ya Rhino Rangers imeonekana kuingiza mapato
mengi kuliko timu nyingine zinazomilikiwa na majeshi.
Rhino imefanikiwa kuingiza jumla ya shilingi milioni 26.5
ambazo ni sawa na asilimia 4.8.
Timu hiyo ambayo imefanikiwa kupanda ligi kuu kwa mara ya
kwanza msimu huu, ingawa haijaonyesha makeke mengi kama ilivyokuwa kwa wenzao
Mbeya City, kwa sasa ipo katika nafasi ya mwisho katika msimamo wa ligi.
Rhino imefanikiwa kuzishinda timu za jeshi kongwe
zilizopo kwa muda katika ligi hiyo kwa kuingiza mapato mengi, ikiwa inatumia
Uwanja wake wa Ally Hassan Mwinyi Tabora, ikiwa ni timu ya
sita kwa mapato hadi sasa.
Imefuatiwa na Ruvu Shooting ambayo imeingiza milioni 22.3
sawa na asilimia 4.0, huku timu ya
jeshi ya mwisho katika mapato hayo ni timu ya Mgambo JKT ya
Tanga ambayo imeingiza Sh 6,758,103.00, sawa na asilimia 1.2 ikitumia uwanja
wake wa nyumbani wa Mkwakwani.
0 COMMENTS:
Post a Comment