REAL MADRID, CHELSEA ZAFUZU NUSU FAINALI LIGI YA MABINGWA

Real Madrid ya Hispania na Chelsea ya England zimefanikiwa kufuzu katika hatua ya nusu fainali ya Ligi ya Mabingwa Ulaya.

MADRID:

Imepoteza mchezo wa leo ikiwa ugenini kwa kufungwa 2-0, mabao yote yakiwa yamefungwa na Reus.

Lakini imeing’oa Borussia Dortmund kwa jumpa ya mabao 3-2, kwa kuwa katika mechi ya kwanza mjini Madrid, ilishinda kwa mabao 3-0.

Katika mechi ya leo, wenyeji ndiyo walionekana wana nafasi ya kushinda mabao mengi zaidi ingawa Madrid walipoteza nafasi kadhaa kupitoa Isco na Gareth Bale.

CHELSEA:

Ikiwa nyumbani, imesonga mbele kwa faida ya bao la ugenini na kuiondoa PSG ya Ufaransa.

Katika mechi ya leo usiku, Chelsea imeshinda kwa mabao 2-0, yakiwa yamefungwa na Andre Schurrle na Demba Ba.

Katika mechi ya kwanza, Chelsea ilipoteza kwa mabao 3-1, hivyo ilihitaji mabao mawili tu kusonga mbele.

Baada ya mechi hiyo, Kocha Jose Mourinho alionekana kuwa ni mwenye furaha kupita kiasi huku akitimua mbio utafikiri winga aliyetanguliziwa mpira.