DALALI ASEMA HAKUNA HAJA YA KUONA AIBU, AVEVA NDIYE SAHIHI KWA SIMBA

Kiongozi kipenzi cha mashabiki wa Simba, Hassan Dalali maarufu kama Field Marshal leo amemkabishi mgombea wa Urais Simba, Evans Aveva mpira.

Dalali amesema mpira huo una maana kubwa na ujumbe kwa Wanasimba na aliamua kujitokeza hadharani kwa kuwa anaamini Simba inahitaji mabadiliko.

"Wanasimba wameteseka kwa kipindi sasa, thamani ya Simba imeteremka na kila mmoja analijua hilo.

"Huu ni wakati wa kuangalia mtu anayeweza kuisaidia klabu irudi kwenye hadhi yake. Aveva ni mtu aliyeipigania Simba kwa muda mrefu.

"Sidhani kuna haja ya kuona haya kipindi hiki kusema Aveva ni mtu sahihi na si mwingine, Simba inahitaji mabadiliko na si dharau tena," alisema mkongwe huyo.

Dalali amemkabidhi Aveva wakati alipokuwa makao makuu ya klabu hiyo jijini Dar es Salaam kurejesha fomu za ugombea urais.

Dalali alisema aliondoka na mpira wake mara baada ya kumaliza uongozi wake kwa kuwa alijua Simba ilikuwa inaongozwa na watu ambao si wa mpira.

Baada ya uongozi wa Rage aliyeingia madarakani alikuwa ni Ismail Aden Rage ambaye uongozi wake umefeli kwa kiasi kikubwa.

“Nilijua hakuna mtu wa mpira, sasa nimeona kuna mtu wa mpira, ninayemuamini ameingia, nimeurudisha mpira wangu,” alisema Dalali akimkabidhi Aveva mpira huo aina ya Uhlsports.

Dalali ni kati ya viongozi wa Simba wanaovutia zaidi mashabiki na wanachama wa timu hiyo.