KABURU, MZEE KINESI NI VITA UCHAGUZI SIMBA

Geofrey Nyange ‘Kaburu’ amechukua fomu za kuwania uongozi Simba, anataka ile nafasi yake ya makamu mwenyekiti, sasa ni makamu rais.

Lakini Joseph Itang’are ambaye alichukua nafasi yake baada ya yeye kijiuzulu kwenye nafasi hiyo, naye amechukua kuwania.

Hivyo ni upinzani wa juu ambao utajitokeza katika nafasi hiyo.

Kila mmoja anaonekana kuwa anajiamini atafanya vizuri katika nafasi hiyo.

Simba inataka kiongozi imara katika nafasi ya makamu wa rais kwa kuwa ndiye anakuwa mhimili namba mbili.

Uchaguzi utafanyika Juni 29 na tayari Evans Aveva na Michael Wambura wamechukua nafasi ya kuwania urais wa klabu hiyo.