MATAPELI WAANZA KUTENGENEZA RIZIKI UCHAGUZI SIMBA

MWENYEKITI WA KAMATI YA UCHAGUZI YA SIMBA, DAMAS NDUMBARO ALIPOKUWA MAKAO MAKUU YA FIFA MJINI ZURICH, USWISS

Kamati ya Uchaguzi ya Simba imesema imepokea taarifa zisizo rasmi za kuwepo watu wanaotengeneza orodha bandia za kulipia ada ya uanachama wa klabu hiyo.

Kauli hiyo imetolewa na Mwenyekiti wa Kamati ya Uchaguzi ya Simba, Damasi Ndumbaro, ambaye kitaaluma ni mwanasheria.

Ndumbaro alisema tunatoa onyo kali kwa wahusika wanaotengeneza orodha hizo feki ili wapate nafasi ya kuingia kwenye uchaguzi na kupiga kura.

Ndumbaro amewataka wanachama wote wa klabu hiyo kuhakikisha wanalipia ada zao za uanachama kwenye makao makuu ya Msimbazi yaliyopo jijini Dar es Salaam na katika akaunti maalum inayojulikana.

“Jambo la kushukuru ni kwamba, uchaguzi utafanyika kwenye Bwawo la Polisi, ninaamini ni sehemu nzuri yenye usalama kwa ajili ya kupambana na wale watakaotaka kuingia kwenye mkutano kwa orodha feki.

“Kama kamati, mtu yeyote tutakayembaini alikuwa ana orodha feki, basi hatua kali za kisheria zitachukuliwa siku hiyo ya uchaguzi,” alisema Ndumbaro.