REAL MADRID LAZIMA WAWACHUNGE 'WABAYA' HAWA

Ingawa mechi ni ngumu na wachezaji gumzo zaidi katika fainali ya Ligi ya Mabingwa Ulaya hivi punde ni Cristiano Ronaldo na wengine, lakini Real Madrid wanapaswa kuwachunga wachezaji wawili wa Atletico Madrid, maana wana uwezo na wanang'ara zaidi katika mechi ngumu.

 TURAN:

Arda Turan amezaliwa Januari 30, 1987, amewahi kuwa nahodha wa Galatasaray akiwa na miaka 21 katika msimu wa 2009-10.

Ana uzoefu mkubwa na michuano ya kimataifa, anajulikana kwa uwezo mkubwa wa kumiliki na kukimbia na mpira.

Lakini ujanja na mbinu za juu za kubadilisha mchezo, pasi za mwisho na amekuwa akimlisha sana Diego Costa au anayekaa namba tisa kufanya kazi ya ufungaji.

Lakini Turan ana uwezo mkubwa wa kufunga mabao haraka na inaonyesha ni mzoefu kwa kuwa tayari ameichezea timu ya taifa ya Uturuki mechi 71 na kufunga mabao 14.

Arda Turan ni mchezaji wa kwanza mzaliwa wa Uturuki kushinda Kombe la La Liga baada ya Atletico kuwapiga kumbo Barcelona na Real Madrid msimu wa 2013-2014 na kulibeba.

KOKE:

Jina lake halisi ni Jorge Resurrección Merodio, mashabiki wanamuita Koke, kinda tu maana amezaliwa Januari 8, 1992, lakini ni ‘mbaya’.

Anajulikana kwa uwezo mkubwa wa kuanzisha mashambulizi, pasi za mwisho na krosi za maana.

Lakini ukizubaa, anafunga na hadi leo Barcelona hawajamsahau kwa kuwa ndiye alifunga bao lililowatoa na kuipeleka Atletico Madrid fainali ya Ligi ya Mabingwa.

Amezaliwa Madrid, ametua Atletico akiwa na miaka 9, hivyo si mgeni na anajua timu yake inataka nini hivi punde.