CAMEROON NAYO NJE WORLD CUP, WACHEZAJI WAKE NUSURA WAZICHAPE

Cameroon imeng’olewa kwenye michuano ya Kombe la Dunia baada ya kuchapwa bao 1-0 na Croatia.

Croatia ndiyo nchi anayetotokea Kocha wa Simba, Zdravko Logarusic ambayo ilianza michuano hiyo kwa kipigo cha mabao 3-1 kutoka kwa Brazil.

Cameroon walionyesha kutokuwa makini, walipoteza nafasi nyingi za wazi na mwisho wakaambulia kipigo hicho huku nahodha wao, Samuel Eto’o akiwa kwenye benchi anashuhudia.

Kiungo nyota, Alex Song naye akalambwa kadi nyekundu kutokana na kumpiga kiwiko Mario Mandzukic ambaye anachezea Bayern Munich.

Lakini kichekesho zaidi wachezaji wawili, kiungo Benoit Assou-Ekotto na beki Benjamin Moukandjo walikunjana na nsura wazichape baada ya kulaumiana baada ya mechi hiyo lakini wakaamulia.

Kipigo hicho cha jana cha Cameroon ni cha nne kutoka kwa Croatia katika mara zote ambazo wamewahi kukutana.