MAJINA YA WANACHAMA WALIOKUFA YATUMIKA KUMPINGA MANJI, UCHUNGUZI WAANZA

Wazee na vijana wa Yanga wameanza uchunguzi wa kubaini majina ya wanachama waliofariki dunia kutumika kupinga mwenyekiti wa Yanga, Yusuf Manji kuongezewa mwaka mmoja wa uongozi na wanachama.

Wazee wa Yanga wakiongozwa na Katibu wa Baraza hilo, Ibrahim Akilimali na Mwenyekiti wa Baraza la Vijana, Bakili Makele, leo wametangaza kuanza uchunguzi huo.

Wamesema kuwa wanataka kuwabaini wanachama waliojifanya wako 250 na kupeleka barua TFF kupinga kitendo  cha mwenyekiti wa Klabu hiyo kuongezwa mwaka mmoja kuingoza klabu hiyo katika mkutano wa klabu hiyo wa maboresho ya katiba uliofanyika Ukumbi wa Maofisa wa Polisi Oysterbay jijini Dar.

Akilimali pamoja na wazee wenzake na mwakilishi wa baraza la vijana (Makele) walisema watu hao ni wahuni na wameandikisha majina na wanachama waliofariki na kuorodhesha kadi zao kujifanya wanapinaga Manji kuongezwa muda.

Akilimali amesema jambpo hilo litachunguzwa na ikibainika kuwa ni kweli kuna wanachama waliokufa kwenye wanachama walioorodheshwa waliopeleka barua hiyo wakibainika watafutwa uanachama.