LOGARUSIC ASEMA CROATIA ITAISHANGAZA DUNIA KESHO DHIDI YA BRAZIL

Kocha wa Simba, Zdravko Logarusic amesema kikosi cha Croatia kitawashangaza wengi kesho.

Logarusic raia wa Croatia amesema anaamini kikosi cha nchi yake kitawashangaza Brazil na dunia yote katika mechi ya ufunguzi ya Kombe la Dunia.

“Nchi yetu ina watu milioni nne tu, lakini inaongoza kushiriki kila aina ya mchezo na si soka pekee.

“Mchezo wa kikapu, tenisi na mingine. Hii ni nchi ya wanamichezo na wanaipenda kweli.

“Timu yetu ya taifa iko vizuri na ina wachezaji wa kiwango cha juu hata kuliko hao wa Brazil.

“Tulia kwenye runinga hiyo Alhamisi halafu baadaye nipe jibu umeonaje,” alisema Loga akizungumza na SALEHJEMBE.

Croatia ndiyo inaanza katika mechi ya kwanza ya Kombe la Dunia dhidi ya wenyeji Brazil.