MAKALA: HAWA JAMAA USIWADHARAU

KAMA utasikia wachambuzi wanazungumzia timu ipi inaweza kutwaa Kombe la Dunia ambalo linaanza ndani ya siku tatu, ni nadra kusikia wakikitaka kikosi cha Italia maarufu kama Azzuri.

Wengi wanazungumzia kuhusiana na Brazil, Hispania, Argentina, England, Uholanzi au na vikosi vingine viwili au vitatu, huenda kutong’ara kwa ligi yao ya Serie A, kunachangia wao kusahaulika!

Italia inaonekana haina kitu, haina nafasi na si ya kumtisha yoyote, kitu ambacho ni kocha.

Kocha Cesare Prandelli anaonekana kujiamini sana na kikosi chake cha watu 23, kuliko hata wachambuzi au wengi wanaopigia hesabu za michuano hiyo mikubwa zaidi ya soka.

Kikosi cha England katika kila idara kina watu wa kutosha kabisa wanaoweza kukifikisha mbali au kuwashitua wengi.

Achana na masuala ya rekodi kwanza, kikosi cha sasa kina wachezaji wazoefu na mahiri wenyewe ujuzi mkubwa na michuano hiyo, lakini kina vijana ambao wana uwezo mkubwa zaidi.

Kila mmoja ana hamu ya kumuona Mario Balotelli, kweli ana nafasi ya kung’ara lakini wakongwe kama kipa Gianluigi Buffon, Andrea Pirlo, Daniele De Rossi, Alberto Aquilani, Thiago Motta na Antonio Cassano wanajua nini cha kufanya.

Mfano mzuri ni ile Italia ya mwaka 2006 ambayo ilitwaa Kombe la Dunia wakati ilionekana kama haikuwa na nafasi kabisa.

Ikiongozwa na Fabio Cannavaro ikapangua miamba mmoja baada ya mwingine hadi ilipotwaa kombe.

Mwaka 2006 nchini Ujerumani haikuwa bahati kwa Italia, uwezo na uzoefu mkubwa wa wachezaji wake katika michuano ya kimataifa, wengine bado wanacheza hadi sasa kwenye kikosi hicho.

Lakini angalia vijana wenye umri wa kati kama kiungo Claudio Marchisio mwenye miaka 28, uwezo wake uko juu sana kama ilivyo kwa Gabriel Paletta, huyu ni Muitalia mwenye asili ya Argentina anayekipiga Roma na miaka yake ni 28 pia, lakini fundi kweli.

Kwa washambuliaji, hakuna ubishi kwa Balotelli, akitulia atakuwa gumzo lakini wafuatilie Ciro Immobile na Lorenzo Insigne, wana nafasi ya kutikisa.

Italia iko kundi D, lenye timu za Uruguay, Costa Rica na England, hakika si kundi lahisi hata kidogo.

Iwapo watafanikiwa kutoka hapo, inawezekana watakamitiwa nusu fainali, fainali au wakiwa na kombe mkononi.

KIKOSI:

Makipa: Gianluigi Buffon (Juventus), Mattia Perin (Genoa), Salvatore Sirigu (Paris Saint-Germain).

Walinzi: Ignazio Abate (Milan), Andrea Barzagli (Juventus), Leonardo Bonucci (Juventus), Giorgio Chiellini (Juventus), Matteo Darmian (Torino), Mattia De Sciglio (Milan), Gabriel Paletta (Parma).

Viungo: Alberto Aquilani (Fiorentina), Antonio Candreva (Lazio), Daniele De Rossi (Roma), Claudio Marchisio (Juventus), Marco Parolo (Parma), Andrea Pirlo (Juventus), Thiago Motta (Paris Saint-Germain), Marco Verratti (Paris Saint-Germain)

Washambuliaji: Mario Balotelli (Milan), Antonio Cassano (Parma), Alessio Cerci (Torino), Ciro Immobile (Torino), Lorenzo Insigne (Napoli).