URA KAMA KAWA, YAWATOA SIMBA SHOO MBELE YA MASHABIKI WAO

Kweli sasa Simba hawana la kusema mbele ya Waganda URA kwa kuwa wakikutana nao, sawa na mwembe wa uani.

Simba ambao wanapiga pasi nyingi na soka la uhakika wakishinda mechi yao iliyopita dhidi ya Gor Mahia ya Kenya, wameshindwa kutamba na kulala bao 1-0 leo dhidi ya URA.

Katika mechi hiyo iliyopigwa kwenye Uwanja wa Taifa, URA ndiyo imeibuka na ushindi na kuendeleza ubabe wake dhidi ya Simba.

Bao pekee Simba lilifungwa na Kalanda Frank katika dakika ya 42.

Juhudi za Simba kusawazisha bao hilo katika kipindi cha pili ikiwa ni pamoja na kumuingiza Paul Kiongera, lakini wapi, ngoma ikabaki hiyohiyo moja.