EXCLUSIVE: PHIRI, UONGOZI WA SIMBA WATUA NYUMBANI KWA MILIONEA JOMO SONO

SONO (KULIA) AKIZUNGUMZA NA VIONGOZI WA SIMBAPAMOJA NA MABOSI WA BENCHI LA UFUNDI NYUMBANI KWAKE LEO SAA 2 USIKU.

Uongozi wa Simba umetua nyumbani kwa milionea wa soka nchini Afrika Kusini, Ephraim Matsilela Sono.

Sono marufu kama Jomo Sono, Braa J au Black Prince of South Africa Soccer ndiye mmiliki wa klabu kongwe na maarufu ya Jomo Cosmos.

Viongozi hao wa Simba wakiongozwa na Mjumbe wa Kamati ya Utendaji, Mohammed Nassor ‘Kigoma’, Said Tully, Kocha Patrick Phiri na Msaidizi wake, Selemani Matola walimtembelea milionea huyo nyumbani kwake katika eneo la Hyghton jijini Johanesburg.

Sono amewahi kuwa mwanasoka aliyeng’ara akiwa na Orlando Pirates kabla ya kununua klabu yake akiwa ndiyo amerejea kutokea nchini Marekani alikokuwa akiishi na kucheza soka.

Amewahi kuwa kocha wa timu kadhaa za Afrika Kusini pia amewahi kuwa Kocha Mkuu wa Bafanabafana na ikapata mafanikio makubwa.

Sono amewahi kufanya kazi nyingi zaidi kwa wakati mmoja, akiwa mmiliki wa Jomo Cosmos, lakini kocha na mkurugenzi wa ufundi, pia bosi wa usakaji vipaji kwa watoto.

Hata hivyo haikuelezwa Simba walifika nyumbani kwake kumtembelea au kuanzisha uhusiano wa kibiashara kati ya klabu hizo mbili, yaani Simba na Jomo Cosmos ambayo anaimiliki.