ORLANDO ILIYOCHEZA NA SIMBA NI YENYEWE, SI KAMA ILIVYOELEZWA

Ule mzizi wa fitna kutokana na taarifa kwamba ile sare ya bila kufungana iliyopata Simba dhidi ya Orlando Pirates jijini Johannesburg, Afrika Kusini, umekatwa.

Kocha Mkuu wa Orlando Pirates maarufu kama Ghopst au Happy People, amesema walikuwa na furaha kucheza na Simba kwa kuwa imewasaidia kujiimarisha.

KIKOSI KILICHOIVAA SIMBA, ANGALIA SURA ZAO AKIWEMO NAHODHA WAO NA BAADHI YA WACHEZAJI WALIOWAHI KUKIPIGA BAFANABAFANA.

Kocha Vladimir Vermezovic raia wa Croatia ambaye aliiongoza timu yake katika sare ya bila kufunga dhidi ya Simba katika mechi hiyo ya kirafiki ameviamboa vyombo vya habari, mechi dhidi ya Simba ilikuwa nzuri.

Pirates ndiyo timu kongwe kuliko zote za Afrika Kusini iliyochelewa kupata uhuru kutoka kwa Makaburu Wabaguzi wa Afrika Kusini.

“Ilikuwa ni mechi mazoezi, lakini ngumu na wachezaji wote wameifurahia.

“Simba ni timu kongwe, kama unakumbuka iliwahi kuitoa Santos kwenye Kombe la Ligi ya Mabingwa, pia ikaivua Zamalek ubingwa.

“Ilikuwa mechi ya ushindani, tulikuwa na wachezaji wote isipokuwa watatu walio katika timu ya taifa na wawili majeruhi,” alisema Vladimir.

Awali kumekuwa na taarifa kwamba Simba ilicheza na watoto wa Orlando Pirates.

Lakini picha waliyopiga wachezaji hao na Simba au kikosi chao kabla ya mechi kinaonyesha kina wachezaji wengi nyota wakiwemo nahodha wao Siyabonga Sangweni, kipa Ntando Nkala na Oupa Manyisa.