HOMA YAPANDA, TIKETI ZA MECHI YA WATANI YANGA VS SIMBA KUANZA KUUZWA

Homa ya mechi ya Simba na Yanga ya Ligi Kuu Bara ambayo itapigwa Oktoba 18, mwaka huu imezidi kuteka hisia za mashabiki wengi ambapo sasa imefahamika kuwa tiketi zitaanza kuuzwa siku sita kabla ya mechi.

Ofisa Mtendaji wa Bodi ya Ligi, Silas Mwakibinga, amesema licha ya maneno ya hapa na pale juu ya matumizi ya teknolojia ya kununua tiketi kwa elektroniki, bado wataendelea na mfumo huo huku ulinzi ukiimarishwa zaidi siku ya mechi.

“Tumekubaliana tuanze kuuza tiketi Oktoba 13, pia suala la ulinzi, tunatarajia kuwa na askari zaidi ya 400 siku hiyo,” alisema Mwakibinga.