RAIS SIMBA AFAFANUA KIKOSI CHAKE KUTOSHINDA HATA MECHI MOJA SAUZ

Rais wa Simba, Evans Aveva amesema vipigo viwili walivyovipata Simba nchini Afrika Kusini, vimewapa funzo na kumsaidia Kocha Patrick Phiri.

Aveva amesema mashabiki wa Simba wanapaswa kukubali kambi ya Afrika Kusini ilikuwa ni kwa ajili ya mafunzo.

“Kufungwa mechi mbili imemsaidia mwalimu kuangalia mambo ambayo yanaweza kuwa tatizo.

“Tulianza ligi kwa kutoka sare mechi zote tatu, kambi ya Afrika Kusini ilikuwa ni kwa ajili ya kujiimarisha ili kufanya vizuri kwenye ligi na mechi zote za ligi,” alisema Aveva.

Simba ikiwa Afrika Kusini ilianza kwa sare ya bila kufungana dhidi ya Orlando Pirates kabla ya kutwangwa mabao 4-2 dhidi ya Wits na Jomo Cosmos wakawafunga 2-0.

Tayari Simba imerejea jijini Dar es Salaam na kuweka kambi jijini Dar es Salaam.

Simba ilianza ligi kwa sare tatu mfululizo dhidi ya Coastal Union, Polisi Moro na Stand United.