RAIS WA ZAMANI WA BARCELONA, MWANYE WAFUNGWA JELA MIAKA MIWILI, MIEZI MIWILI

NUNEZ

Rais wa zamani wa Barcelona, Josep Lluis Núñez amehukumiwa jela miaka miwili na miezi miwili.

Nunez ,83, anaingia jela akiongozana na mwanaye Josep Lluis Núñez i Navarro ambaye atatumikia kifungo kama hicho, wote wawili wakiwa wamepatikana na hatia ya kukwepa kodi.

NUNEZ (KUSHOTO), KULIA NI MWANAYE JOSEP, WOTE WAWILI WAMEHUKUMIWA MIAKA MIWILI NA MIEZI MIWILI.

Nunez na mwanaye walikata rufaa, lakini baadaye ikatupiliwa mbali.

Hivyo wawili hao wameanza kutumikia kifungo katika jela ya Quatre Caminos katika jimbo la La Roca del Vallès katika Manispaaa ya jiji la Barcelona.

Hata hivyo imeelezwa bado wana mpango wa kukata tena rufaa kuhusiana na huku hiyo.

Nunez alikuwa Rais wa Barcelona katika vipindi tofauti kuanzia mwaka 1978 hadi 2000.

Wakati akiwa kiongozi kwa nyakati hizo tofauti, aliiwezesha Barcelona kupata mafanikio makubwa.

Nunez aliiwezesha Barcelona kubeba makombe yafuatayo:

7-La Liga

6-Copa del Rey

5-Spanish Super Cup

1-Ligi ya Mabingwa Ulaya

4-Kombe la Washindi Ulaya

2-Uefa Super Cup