ANGALIA MASHABIKI SIMBA WALIVYOTAKA KUMRUKIA IVO MAPUNDA TAIFA

Kama si askari polisi kuwa makini, basi shabiki mmoja wa Simba alitaka kuruka uzio kumfuata kipa Ivo Mapunda.

Shabiki huyo alikuwa akimtuhumu Ivo kwa kosa la kizembe lililozaa bao la Kagera Sugar ambayo iliitandika Simba kwa bao 1-0 kwenye Uwanja wa Taifa jijini Dar.

Shabiki huyo alikuwa akitoa maneno ya shombo kwa kipa huyo, huku akitaka kuruka na kumfuata, lakini askari wakamzuia.

Kutokana na ukali wa maneno, Ivo alisimama na kuanza kumtaka awe muungwana na kujua kwenye soka kuna kukosea.

Baadhi ya mashabiki walimpoza mwenzao wakihoji mbona washambuliaji hawakufunga hata bao moja? Lakini wengine wakandelea kusisitiza hiyo siyo ishu wanachoangalia alichofanya Ivo.

Baadaye askari walimuongoza Ivo kuingia vyumbani, hali iliyopunguza jazba ya mashabiki hao.

Ivo aliruka juu kuudaka mpira ambao ulimtoka na kumkuta mfungaji Atupele Green ambaye hakufanya ajizi.