PLUIJM ASISITIZA WANAVYOWEZA KUFUNGA MABAO MANNE LEO

Kocha Mkuu wa Yanga, Hans van der Pluijm amesema watacheza soka la kushambulia zaidi katika mechi yao dhidi ya Simba, leo na wana nafasi ya kufunga mabao manne katika mechi hiyo.

Yanga na Simba zinakutana leo kwenye Uwanja wa Taifa jijini Dar katika mechi yao ya Ligi Kuu Bara.

Lakini akasisitiza kuwa amezungumza na wachezaji wake na kuwasisitiza suala la kuzitumia nafasi wanazozipata.

“Tunaongoza kwa kutengeneza nafasi, lakini hatuzitumii. Wachezaji wanalijua hilo, hivyo ni lazima tufunge.

“Tima uwezo wa kufunga mabao mawili kila kipindi. Hilo ndiyo lengo lakini lazima tuwe makini na kuwekeza akili katika umaliziaji hasa kwa washambuliaji,” alisema Pluijm.

Hata hivyo, Yanga imeonekana kubadilika baada ya kufunga mabao nane katika mechi zake tatu za mwisho za Ligi Kuu Bara