 |
| MADRID |
Na Saleh Ally
HISPANIA wanaendelea
kutawala katika michuano mikubwa barani Ulaya kwa upande wa klabu kwa kuwa
safari hii katika hatua ya nusu fainali yenye timu nne, wao wameingiza mbili
kama kawaida yao.
Real Madrid ambao ni
mabingwa watetezi na Barcelona wenye uchu wa juu kulitwaa kombe hilo. Sasa ni
vita dhidi ya timu mbili, Bayern Munich kutoka Ujerumani na Juventus ya Italia.
Raha zaidi, hata Bayern
nayo inafundishwa na kocha wa zamani wa Barcelona pia ni raia wa Hispania, huyu
ni Pep Guardiola. Hii inaonyesha Hispania ina nafasi ya kusherekea kombe hilo
kwa namna yoyote.
 |
| BAYERN |
Kama timu zake mbili
zitaingia fainali, basi limebaki Hispania. Kama itaingia moja dhidi ya Bayern,
bado wana nafasi ya kuendelea kusherekea hata kama litaenda Ujerumani.
Watalikosa iwapo litachukuliwa na Juventus.
Katika droo ya jana,
mabingwa watetezi Real Madrid walipangwa kucheza na Juventus, Barcelona
walipangwa kukutana Bayern Munich.
 |
| BARCELONAKwa maana ya ubora inaonekana ni kazi kubwa Juventus kuzipiku timu hizo tatu za Bayern, Barcelona na mabingwa watetezi Real Madrid, lakini soka nalo “hupanga” yake, hivyo usishangae kwa lolote. |
Tayari imeshajulikana nani
atacheza na nani katika nusu fainali hizo mbili. Mechi za kwanza zitachezwa Mei
5 na 6 na zitarudiana Mei 12 na 13.
 |
| JUVENTUS |
Kwa kuwa ni timu nne bora za
Ulaya, uhakika yoyote inaweza kukutana na nyingine. Maana yake hakuna
atakayekuwa na hofu ingawa taarifa zinaeleza kila mmoja kati ya timu hizo tatu,
alikuwa akitamani kukutana na Juventus anayeonekana mnyonge kitakwimu.
Takwimu zinaibeba Barcelona
kama timu bora zaidi katika hizo nne zinazokutana kama utaangalia mechi zote
kuanzia hatua ya makundi hadi robo fainali.
Kila timu imecheza mechi 10
na Barcelona inaonekana kufanya vizuri zaidi katika nyanja mbili tatu. Madrid
na Bayern nazo zina sehemu zake zimeonyesha ubora wake.
Katika mechi hizo 10,
Barcelona imeshinda tisa, imepoteza moja na kama utatengeneza msimamo inakuwa
juu zaidi ya nyingine kwa kuwa na pointi 27 sababu haina sare hata moja.
Real Madrid inashika nafasi
ya pili ikiwa imeshinda nane, sare moja na kupoteza moja na ina pointi 25
lakini inaonekana kuwa na safu ngumu zaidi ya ulinzi kwa kuwa imefungwa mabao
sita tu huku Barcelona ikiwa imeruhusu mabao saba na Bayern mabao manane.
Bayern inashika nafasi ya
tatu kwa ubora ikiwa imeshinda mechi saba, sare moja na imepoteza moja.
Imekusanya pointi 22 lakini ndiyo timu yenye safu kali zaidi ya ushambuliaji
baada ya kufunga mabao 30, ikifuatiwa na FC Porto yenye 25, Barcelona yenye 23
na Madrid iliyofunga 22.
Juventus inashika nafasi ya
tano kwa ubora nyuma ya Porto iliyo nafasi ya nne. Timu hiyo ya Italia
imeshinda mechi sita, sare mbili na imepoteza mbili na kukusanya pointi 20.
Ukiuangalia msimamo wa
ubora unatoa majibu mengi magumu kulingana na hali jinsi ilivyo na inakuwa
vigumu sana kuamua nani anaweza kumshinda nani atakapokutana naye katika hatua
ya nusu fainali.
Pamoja na ubora wa rekodi
hizo kwenye msimamo, bado inaonekana kila timu ina sehemu bora zaidi ya
nyingine na kama itarejirekebisha kutokana na makosa ya mechi mbili za robo
fainali, basi inaweza kuwa na ubora zaidi.
Bado ni vigumu sana kusema
timu gani itaingia fainali kutokana na hali halisi kwa kuwa hakuna inayoonyesha
kuwa na ubora wa asilimia 60 kuzidi nyingine.
Ubora ni wa kugawana, hivyo
hata Juventus yenye ubora nafasi ya tano imeingia katika nafasi ya nne. Hii
inaonyesha bado Juventus inaweza kuendelea kushangaza na kuwaacha nyuma
wanaoidharau kwamba haifai au ni dhaifu kuliko timu nyingine tatu zilizofuzu.
Mfano katika ubora wa
mabao, timu inaweza kufunga wakati gani, kipindi cha kwanza chenye dakika
kuanzia 1-45 au cha pili kinachoanzia 46-90, inaonekana kila moja ina ubora
wake pia.
Bayern wanaendelea kuwa juu
kwenye ubora wa ufungaji pia ni wabaya zaidi kipindi cha kwanza ambacho
wamefunga asilimia 60 ya mabao yao na kipindi cha pili wakafunga kwa asilimia
40.
Barcelona nao wanaonekana
ni wabaya pia katika kipindi hicho cha kwanza kwa kuwa 65.2% ya mabao yao
yamefungwa kipindi cha kwanza pia na cha pili wamefunga kwa 34.8%.
Real Madrid hawako mbali,
hawatofautiani na wenzao kwa kuwa nao wakali katika kipindi cha kwanza kwani
wamefunga mabao yao kwa 68.2% na kipindi cha pili kwa 31.8%
Juventus wako mbali sana,
ingawa ndiyo timu tofauti katika hizi nne zilizoingia nusu fainali kwani wakali
zaidi katika kipindi cha pili kwa kuwa wamefunga mabao yao kwa 69.2% wakati
kipindi cha kwanza ndiyo wamefunga kwa 30.8%.
Unaweza ukabashiri kwa
urahisi sana kutokana na timu unavyozijua lakini hadi sasa kombe hilo halina mwenyewe
kwa kuwa kweli timu hizo nne ni ‘cream’ ya Ulaya na zina wachezaji wa kila aina
wanaoweza kubadilisha matokeo si kwa mfumo, badala yake ni uwezo wao binafsi
walionao.
MSIMAMO WA UBORA:
P
W D
L GF
GA Pts
1. Barcelona 10 9 0 1
23 7
27
2. Real Madrid 10 8 1 1
22 6
25
3. Bayern
10 7 1 2
30 8
22
4. FC Porto
10 6 3 1
25 12
21
5. Juventus 10 6 2 2
13 5
20
6. A. Madrid 10 5
2
3 15
5 17
7. Chelsea 8 4 4 0
20 6
16
8. Arsenal 8 5 1 2
18 11 16
9. Monaco 10 4 3 3
7 5
15
10. Paris SG 10 4 3 3
14 15
15
MSIMAMO WA MABAO:
MABAO DK
1-45 DK 46-90
Bayern Munich 30
60.0% 40.0%
FC Porto
25
28.0%
72.0%
FC Barcelona 23
65.2% 34.8%
Real Madrid 22
68.2%
31.8%
Chelsea
20
55.0%
45.0%
Arsenal 18
55.6% 44.4%
Shakhtar 15
46.7% 53.3%
Atletico Madrid 15
33.3% 66.7%
Dortmund 15
46.7% 53.3%
Paris SG
14
42.9% 57.1%
Juventus
13
30.8% 69.2%
0 COMMENTS:
Post a Comment