SANGA AONGOZA MSAFARA YANGA TUNISIA, SEBENE, KITENGE NDANI

Yanga imetua salama mjini Tunis na sasa imeanza safari kwenda mjini Sousse, umbali wa takribani saa mbili kwa basi.

Makamu Mwenyekiti wa Yanga, Clement Sanga ndiyo ameongoza msafara huo.

Pamoja naye, kuna wadau kadhaa akiwemo kiungo wa timu ya Gymkhana, Mudy Sebene pamoja na Maulidi Kitenge ambaye ni mtangazaji wa EFM Radio pamoja mchambuzi wa michezo wa gazeti la michezo la Championi.

Yanga inatarajia kutua Sousse leo jioni, baada ya hapo itaanza maandalizi ya mechi hiyo ya keshokutwa dhidi ya Etoile du Sahel.

Mechi ya kwanza jijini Dar, timu hizo zilitoka sare ya bao 1-1.