LICHA YA KUOKOKA KUTEREMKA DARAJA, SASA MADENI YAITAFUNA NDANDA FC

Uongozi wa Ndanda FC ya Mkoa wa Mtwara, umeeleza kuwa unadaiwa na wachezaji wake kiasi cha shilingi milioni 10 ikiwa ni fedha za usajili na mishahara ya mwezi mmoja.

Ndanda ambayo ilipanda daraja msimu uliyopita, ilinusurika kushuka daraja kutokana na kushika nafasi za chini kwenye msimamo wa Ligi Kuu Bara.

Katibu wa Ndanda, Suleiman Kachele, amefunguka kuwa wanawashukuru wachezaji wao kutokana na kuibakiza timu katika ligi na kudai wanachosumbuka nacho kwa sasa ni deni hilo.

“Tunawashukuru wachezaji wetu kuibakiza timu katika ligi lakini tunajua kuwa wanatudai, tupo katika mchakato wa kuhakikisha tunazipata fedha hizo ili tuweze kuwalipa,” alisema Kachele.