SCHWEINSTEIGER ATUPWA NJE, ATAIKOSA BARCELONA, DE GEA, VALENCIA WAREJEA

Wakati kipa David De Gea na kiungo Antonio Valencia wako tayari kwa ajili ya mechi dhidi ya Barcelona hivi punde, Kocha Louis van Gaal atamkosa kiungo wake mpya, Bastian Schweinsteiger.

Van Gaal ameamua kumuacha kiungo huyo Mjerumani kutoka Bayern Munich kutokana na kuwa majeruhi.

Manchester ina kibarua kigumu hivi punde, kwa kuwa inakutana na Barcelona katika mechi ya kirafiki inayopigwa nchini Marekani.

Ingawa ni mechi ya kirafiki lakini imekuwa gumzo kwa kuwa Barcelona imekuwa ikiinyanyasa Manchester United kila inapokutana nayo.