TIMU YA BEKI WA SIMBA YAENDELEA KUTESA NCHINI UJERUMANI

Timu ya Neckarsulmer anayochezea Mtanzania, Emily Mgeta imeingia  raundi ya pili ya Kombe la Wfv-Verbandspokal.

Kombe hilo linaloshirikisha timu zote za juu za jimbo la Wütternberg nchini Ujerumani ni kati ya michuano migumu.

Neckarsulmer imeshinda mabao 6-0 dhidi ya Tsv Schwaikheim na kama itashinda mchezo ujao, itaingia katika nafasi ya kucheza michuano DFB Polka sawa na Kombe la FA nchini England.

“Kwa kweli ni faraja sana, mechi iliyopita tulishinda tano, hii tumeshinda sita. Lengo ni kufikia kucheza Kombe la FA,” alisema Mugeta aliyewahi kukipiga Simba.